حكاية فرح
ام محمد محدش له حاجه هنا ادخل واخرج بمزاجي ده بيتي قومي يلا ياعين امك كفايه دلع كده
بصيت لمحمد لقيت وشه في الارض وساكت عرفت ان الكلمه كلمتها ومحدش بيعارضها نزلت تحت نظفت وغسلت ومسحت وعملت الاكل وكل ده واخته نايمه وانا اخدمهم كنت ساكته وقولت يابت ده نصيبك ارضي بنصيبك فضلت على الحال ده شهر لحد ماحسيت بتعب وقلبي اتقبض وفي عز ماانا بىوق البيت لقيت واحد جارنا جاي جري يقول ان امي اتوفت جريت عشان اشوفها وانا مش مصدقه ان خلاص امي اتوفت مبقتش موجوده فضلت اعيط وانا مش مصدقه وشريط حياتي مر قدام عيوني ضحكتها وطيبتها وصيتها اني اخد بالي من نفسي دفنو امي وابويا قاعد حزين مش مصدق ان شريكه حياته خلاص سابته لوحده ورجعت لحياتي تاني مع حماتي حسيت اني بقيت لوحدي رغم ان امي مكنتش بتدخل في حياتي لكن كانت نفسها معايا بقيت من غير ام موتها فعلا وجعني لكن الايام بتنسي شويه ورجعت اتعايش مع حماتي
ام محمد اي حكايتك يااختي مفيش حس ولا خبر علي حمل بقالك اكتر من شهر اهو لا انا عايزه اشيل عيال ابني لو انتي ارض بور اجوزه
فرح انا لسه مكملتش شهرين ربنا كبير وباذن الله يرزقني بزريه صالحه
ام محمد طيب يااست الشيخه بس اعملي حسابك هجوزه لو محملتيش
فرح انتي ليه بتعملي كده لو حمات بنتك عملت معاها كده مش هتزعلي
ام محمد مالكيش دعوه ببنتي خالص يلا يااختي غوري كملي شغل البيت ياحلوه تك نيله
كان عندي برد في عضمي جامد وحماتي مبترحمش طول النهار مهدوده وبطلع مهدوده وغير حقوق وطلبات محمد هوا غلبان بس سلبي وده تعبني وخلاني اكرهه وفي يوم
ام محمد بت يافرح قال فرح قال المفروض يسموكي جنازه تك هم
فرح بتعب نعم يااحاجه
ام محمد وضبي البيت واعملي غذا يشرف جايلنا ضيوف بنتي سعاد جايلها عريس
سعاد اه واعملي حسابك مطلعيش خالص لما ييجو عشان بتشائم من خلقتك
فرح بزعل حاضر
