هحكيلكم حكايتي اقصد مأساتي
هحكيلكم حكايتي اقصد مأس-اتي انا بنت من ضواحي القاهره اشتغلت واتبهدلت لكن كان عندي امل ارتاح بعد مااتجوز اتقدم لي شاب كويس كان موظف سواق اتوبيس تبع الحكومه لما اتقدم اعجبت بيه وقولت الفقر مش مهم وهعيش على الحلوه والمره اتجوزنا وعشنا في شقه ايجار علي قد الحال كان في الاول عايش والدنيا ماشيه اشتغلت معاه ووقفت جنبه جبنا عربيه قسط وبقيت شغاله وحرمت نفسي عشان نسد العربيه نسيت اعرفكم اسمي انا ساره عندي 25سنه جوزي اسمه تامر عنده 30سنه
تامر ساره ياساره قومي جهزيلي الغدا
ساره مش اتفقنا نشيل بعض انا تعبا-نه والله النهارده كل اي حاجه دلوقتي
تامر سلامتك ياروحي حاضر تاكلي معايا
ساره لا مش قادره اكل عايزه انام انت عارف مصنع البلاستك ده مت-عب اووي
تامر لو بايدي ياحبيبتي كنت ستتك بس انتي عارفه الحال
ساره انا راضيه هنتعب دلوقتي وبعدين هنرتاح وتستتني بعد مانسد العربيه
تامر ربنا يقدرني ياحبيبتي واسعدك واريحك يارب
تاني يوم في المصنع.
. مش هتحني عليا بقا ياساره
ساره بقولك ايه ياايمن انا ست متجوزه وبحب جوزي ولو قولت له هيبه-دلك
ايمن بكره تحني وتحتاجي ايمن
ساره عمري مااحتاجك في حاجه ربنا يخليلي جوزي وعمري مااحتاجك
ايمن هنشوف ياقمر وبكرا تندمي ياجميل
. ماله الواد الرخم ده بيكي
ساره والله ماعارفه يا ناديه بلاوي بتتحدف عليا
ناديه سيبك منه عيل غتت يلا نشتغل عشان نص ساعه ونروح
ساره يلا بينا
ساره روحت البيت وقاعده زعلا-نه ومخنو-قه من الي اسمه ايمن ده الي بيضايقها
تامر مالك ياساره مضايقه ليه ياقلبي
ساره تعبت ياتامر من القرف الي انا فيه كل واحد بيغلس عليا شويه
تامر مين بس غلس عليكي
ساره الي اسمه ايمن كل يوم يرخم ويعاكس فيا
تامر سيبك منه عيل سيس مالوش لازمه المهم بلاش مشاكل في الشغل علشان ميخصموش منك
ساره ده كل الي همك
تامر اعمل اي يعني ياساره منا مطحون شغل اهو علشان نكون نفسنا ونعيش زي البشر
ساره يعني انا الي مرتاحه
تامر قولت لك بكره اريحك واعوضك ادي البيت ليكي علشان بجد تعبت
ساره تامر رايح فين
تامر رايح في دا-هيه هقعد علي القهوه شويه في اعتراض
ساره اووف ياربي انا مبحبش ازعله لما يرجع اصالحه
ساره قعدت طول اليل تنام مكانها مستنيه تامر تصالحه وفي الفجر جه تامر
تامر ساره ساره اصحي
ساره اي اخرك كده ياتامر
تامر كنت مخنوق شويه
ساره حقك عليا خلاص مش هزعلك تاني ابدا
تامر مقدرش ازعل منك ياقلبي بقولك اي
ساره اي
تامر اي بقا
ساره بضحك اي بقا اي
تامر تعالي اقولك كلمه سر
بعد شويه
تامر ساره بقولك ايه
ساره قول ياحبيبي
تامر كانت فيه عربيه عجباني ولقطه عايز اجبها
ساره طيب احنا علينا قسط علي العربيه الي معاك
تامر عارف بس دي خلاص كلها قسطين وتخلص ودي لقطه
ساره خلاص انت عارف المصلحه فين
تامر بس فيه مشكله بسيطه كده
