هحكيلكم حكايتي اقصد مأساتي
محسوبك صابر صديق تامر الروح بالروح
ساره غريبه مش شوفتك قبل كده خير اي خدمه
صابر بصراحه كده صابر مستلف مني فلوس وبقاله فتره وماضي علي وصل امانه بلفلوس اهي بس هوا عشان صحبي قولت اجي لعل وعسي تدفعو بدل مااشتكي
ساره وكام بقا المبلغ
صابر خمس الالف جنيه بس هتدفعو ولا اؤوح اشتكي
ساره هندفع استنا هنا هجبلك الفلوس
صابر حك دقنه وماله نستني
دخلت وخرجت هات وصل الامانه
صابر اهو ياجميل عليا النعمه انتي خساره فيه
ساره بطل رغي الفلوس اهي خلاص
صابر ماشي ياقمر سلام ياجميل
قفلت الباب
ساره بقا يارب القرشين الي جمعتهم للقسط نصهم طار ليه كده بس ياتامر تستلف انت جيت ياتامر
تامر وحشتني ياقمر
ساره مش هتبطل سلف بقا ياتامر انا تعبت
تامر في اي بس
ساره صابر صحبك جه هنا وخد فلوس الوصل الي عليك ياتامر انا تعبت شيل معايا حرام
تامر اشيل اكتر من كده اي بس منا شايل اهو الله بشتغل ورديتين علي العربيه ومشغل التانيه عشان تجبلي فلوس
ساره والفلوس بتروح فين بقا داانا مبشوفش منك جنيه حرام عليك بقا
تامر كل ماتشوفي وشي الاسطوانه دي مفيش غيرها صح انا زهقت والله
حكايتي 4
ساره انت الي زهقت كل يوم تتحجج عشان تخرج وتفضل هناك لوش الصبح
تامر اتحجج طيب مش هقعدلك فيه
ساره تامر استنا خلاص حقك عليا
تامر ياشيخه بقا بلا حق بلا قرف
تامر خرج وبعد شويه الباب خبط
ساره مين
انا هند ياساره افتحي
ساره هند والله وحشتيني ادخلي ياهند كل ده متساليش عني
هند غصب عني يااختي معلش عامله اي وحشتيني كده متساليش عني عانت عليكي العشره
ساره لا والله بس عامله زي الي مربوطه في ساقيه مغروسه في الديون وشغاله كذا شغلانه عشان اسد الديون والله
هند باين عليكي اي البهدله الي انتي فيها دي انا اختك وانتي عارفه غلاوتك عندي بس ليه المرمطه دي ليه كبرتي ميه سنه علي سنك عشان اي كل ده
ساره عشان تامر يكون نفسه وبعدين هرتاح بقا
هند انتي هبله الست اه بتقف جنب جوزها لكن لما يكون بيسعي هوا كمان تعب مشترك لكن اراهنك انه مبيدكيش جنيه في البيت تامر كان صايع ونصحتك كتير عشان تفكري قبل ماتتجوزيه لكن عندك خلاكي تتجوزيه
ساره ليه بس بتقولي كده تامر واقف معايا زي ماانا واقفه معاه وبيكافح معايا ومش بيخليني محتاجه حاجه خالص
هند للاسف انتي بتضحكي علي نفسك ومش هتعرفي تتضحكي عليا فوقي ياساره قبل فوات الاوان
ساره انتي بت نكد مفيش حاجه انا مبسوطه ومش تعبانه ولا فيا حاجه خالص
هند الدموع الي جوا عيونك دي تخبيهم علي اي حد الا انا
ساره بدموع مبقتش قادره اتحمل ياهند فعلا بضحك علي نفسي ان بكرا احلي بس بكرا بيسوء عن النهارده
هند عيطي ياساره عيطي تعالي في حضني وعيطي
ساره اترمت في حضنها وشبعت عياط ودموع
هند ها عامله اي دلوقتي
