هحكيلكم حكايتي اقصد مأساتي
ساره مشكله اي بقا دي
تامر انا ماضي علي العربيه القديمه مينفعش امضي علي دي كمان
ساره طيب والحل اي طيب
تامر تمضي انتي
ساره امضي انا ازاي بس
تامر تمضي عليها انتي يعني انا هسيبك تتح-بسي ولا هرضي ليكي البهدله كده از-عل منك والله
ساره لا متزعلش ياحبيبي خلاص امضي مدام في المصلحه
تامر انتي قلبي يابت
ساره هههه طيب قوم بقا عشان يادوب الحق الشغل
تامر ماشي ياقلبي
ساره نزلت ومشيت في الشارع ركبت عربيه ميكروباص عشان توصل لشغل طول الطريق سرحانه وقلبها مقبو-ض ومتعرفش من ايه طول الشغل وهي دماغها تودي وتجيب
رجعت من الشغل خدت دش وغيرت لقت تامر جه
تامر يلا ياساره عشان نروح مشوارنا
ساره مبلاش ياتامر انا قلقانه
تامر برضو هترجع تعملي كده وتزعلني تاني
ساره لا خلاص مقدرش ازعلك حاضر
تامر بنظره متريحش ربنا يحفظك ليا ياقلبي يارب يلا بقا هنتاخر
ساره حاضر هدخل البس اهو
دخلت فتحت الدولاب وطلعت عبايه سمرا وفيها خرز خفيف ولفت الطرحه وخرجت
تامر قمر ياناس يلا ياحبيبتي
نزلو سوا وركبو الميكروباص بتاعهم وراحو عند التاجر الي متفق معاه
. اهلا اهلا بلاسطا تامر
تامر اهلا بيك ياسيد المعلمين
.المعلم اهلا يامدام ساره
ساره اهلا بيك يامعلم ممكن نخلص
المعلم مستعجله ليه بس احنا لسه شربنا حاجه
ساره بضيق شكرا
تامر معلش يامعلم مستعجلين
المعلم طيب علي راحتكم واد ياعلي
علي نعم يامعلم
المعلم هات الورق بتاع العربيه
علي حاضر يامعلم
المعلم الورق اهو امضي يامدام ساره علي العقد
تامر لا اقصد يعني العقد باسمي بس الشيكات باسم ساره
المعلم وماله موافقه يامدام ساره ولا في مشاكل
ساره موافقه انا وهوا واحد
المعلم وماله برضو. حكايتي 2
المعلم وماله يلا امضي ياعم تامر
تامر ادي امضتي
المعلم مبروك امضي على الشيكات يامدام
ساره بعدم راحه حاضر
المعلم مبروك ياجماعه المهم متتاخروش في السداد
تامر متقلقش يامعلم هنسد طبعا
ساره بقت تشتغل شغلنتين في اليوم عشان تسد الديون
ساره تامر عايزه اقولك حاجه
تامر قولي ياقلبي
ساره عايزه اخلف ياتامر عايزه ابقا ام
